Mok, Ayoh, Udo nger Ujey tibo2 jah duk ccace depe rumoh. Lepo2 demo tu nok buwak seprais. Mujo la kawe ado dumoh. Guano kalu takdih nyo gi kelik Jjoho ko, di OU ko mano2 ko, agok2 nok tunggu cacce depe rumoh lagu takdi ko dop?
Sajo jah tulih ikut bahaso pelik ni, mugo loni sero lidoh alah ko pelak2 ssikik. Maso duk Miri dulu duk skiping nger Cheq, jadinyo takdopla belumuk mano. Dam mari sini duk bekecek luai jah la. Nger budok2 pom pakak bekecek luai.
Duk mikir jugok ‘namokam budok2 ni dop reti kecek Kelate, abihla bahaso Kelate huk yunik ni hapuh’. Ho la supo nyer puok2 ni, asal ore Jawo tapigak dop reti belas mano kecek Jawo mugo duk Khelupo, pakak kecek Khelupo la. Set2 ore tuo ner ore2 huk dop tubet kkapo lagi tu jah la huk duk bekecek Jawo lagi.
Tapigak nok kkecek Kelate nger budok2 ni, sero pelik lah weh. Mugo kito sore kecek Kelate, sero supo itik masuk dale gok aye. Kalu Bibik kecek Indon tu mugo lain, mugo dio buke reti nok kecek Nnayu. Buke gapo kawe saye bahaso Kelate ni. Setakak ni bahaso Kelate ni buwak kawe sero banggo. Ado sekali tu, di opeh, set2 boh ni miting la rama2, kawe join la sekali mugo TP ajok. Biasola kalu dale miting gak pakat kecek ore puteh lako, bia set2 Nnayu belako pong. Pahtu, lepah jah miting tu pakat duduk2 lluar bilik mesowarak tu minung2 air, lepo2 nyo bukok grup kecek Kelate puok2 dio. Woh, banggo kawe, ore2 besar ssajo, ore Kelate uponyo…
Bahaso Kelate ni la jugok huk buat kawe mudoh cari saim. Ore Kelate ni dio ado mace semangake kenegeriye sikit. Oloh, mano2 pom po tulo yo jah… tapigak Kelate napok benarla mugo jak ko jame tok ko tonggek lagi ore2 luwa ni kalu kelih ko ore Kelate gak supo kelih ko ore baru tubek jel. Mace pelik benar ore Kelate ni. Tapi jame ritu jah kot.. loni2 takdop doh. Hehe. Ho la, maso kawe mulo2 masuk UTP, ado ore tekejut tengok kawe. Bulih nyo tanyo “Kat Kelantan ada kereta tak?” Aku senjoh daba baju tu baru tahu.
Oloh gi ngaruk kokse doh eh. Nok oyaknyo maso di Miri sekali tu kawe gi supemarkek, maso tu Mok Ayoh ado dinu la belako, gi jale2 la cuti skoloh. Duk milih2 bare tu, ado ore mari tegur. “Ore Kelate ko? Dengar bunyi kecek Kelate takdi”. Hoh, lepo2 ore sebeloh kapong jah. Ayoh kenal la ayoh dio, Kak Za namo dio. Duk dekat jahla nger rumoh Mmiri tuh. Kawe Berembang 7, dio Berembang 3. Pah ko loni duk kontek lagi. Kalu pakak duk kecek luai hari tu duk beraso pah ke sudoh takdop ore nok tegur. Dop rajin lagi la kalu tubet nger Abiy gi kkeda ko mano2 ko ore mari cuwek bahu kito tanyo “Orang KL ke?”, kecawali kalu maso tu tengok soping di Ingelen, nyo ado la bekali.
Kawe kalu bab bahaso Kelate ni dopsoh oyakla… SMS ko, ceting ko, meme naip lagu ni la kalu nger ore Kelate gak. Kecawali kalu ore tu alah ko malah ngaku dio make budu, kawe wat2 dop reti kecek Melayu jugok la. Mari kito pakat kkecek ore putih ghama2. Kalu jjupo set Kelate gitu jugok. Mulo2 kkiro kkecek luai belit lidoh2, dam tahu ore Kelate gak, takdop doh kecek2 luai ni. Pah cceroh duk kecek Kelate. Supo haritu maso gath jupo Zam, mulo2 kecek luaila, dam dio oyak dio ado daroh Kelate, huh, bo la kecek luai nger kawe nyo… Hehehe.
Tapigak.. tu la.. Saye ugok beraso kalu bahaso ni habih ssini jah. Budok2 ni buke reti kecek Kelate. Retila bekali sepatoh duo, tu pong kalu kelik Kelate ko.. ore Kelate mari sini ko. Ayoh tu nger sapo2 pom nyo behe kecek Kelate. Tapigak, ho la. Setaro tu jah la. Nok ajar demo nih kecek Kelate, Abiy kato “Mommy kena belajar cakap Jawa dulu”. Ho loooh. Pah, sapo nok ajar? Abiy dek pong gak bia la nyo semenggoh sikit… Sedio nok ngaja Mami kecek Jawonyo. Narak nok belaja nger Bibik? Lepo2 buke kecek Jawo, gi kecek Indon pulok.
Tapigak setakak ni, sepupu sepapak huk besa lluwa Kelate, bereh belako. Pakak reti belako kecek Kelate. Duk sero takdop hal bekali demo2 nih… Tapi tuh la.. mugo demo ni buke ado gu nok kecek pong. Dakpow2, nati besar sikit lagi kito suruh pakat bbadi kecek Kelate duo beradik tu.
Ho, teringak pulok ado sekali ore beng telipong. Pasa gapo hauh dop ingak doh. Kedik kad bekali. Dio tanyo gapo tahu, pah tu gak kawe oyak kawe asal Kelate. Pahtu pah ke sudoh kecek Kelate. Mujola buke huk talipong2 baso nok offer kad diskaun ko benate gapo tahu lah. Kade2 tu kawe wat2 tadop line. Malah weh nok laye, rajin doh keno tipu sekali. Dio kato bulih insore free. Pahtu lepo2 nyo cah di kedit kad kawe, kawe gi beng tu komplen, dio kato, “weehhhh lookkk, kito dop ajing offer insore ni kak weehhh. Kak keno tipu nihhh”. Baso bengong!!!
Oh kalu dale bahaso Kelate nyupoh2 ssikit tu bereh jah, not a big deal ore putih kato. Biaso tu kalu jame sekoloh2 mulo gak, namo panggile saing2, selain namo huk sokmo2 ore panggil gak, ‘Nate’, ‘Beruk’, ‘Nggor’, ‘Bewok’, ‘Tolo, etc.. skalo2 gak budok jate la sokmo duk manggil saing2 lagu tu. Kalu lalu kut asrama budok jate gak, sero supo lalu depe zoo. Mace2 nate ado belako. Tapigak huk keno panggil gitu takdop nok maroh2 eh. Namo manjo ore kato.
“Weh beruk! Mu letok mmano baju aku huk mu amik kemaring???”
“Aku letok dale loker mu dohla nate”
“Bbaso ni, takdop la bewok!”
“Mano aku tahu, aku sakut situ doh kemaring nggor”
“Baso tolo mano ambik baju aku nih”
Weh lok, sero supo jame2 sekoloh ritu hehehe. Tapi budok tino jare panggil saing2 lagu tu. Kecawali huk brutel2 lah. Tapigak “Nate ni” tu mugo biaso jah la. Dop dikiro nnyupoh lagi. Kecawali budok2 sekoloh pondok dop paka la bekali.
Hmm.. ni ya buat koho teringak ko set2 ni huk berehi gguling sekali mulo. Rindu nok kecek Kelate kah kah kah.
*Bahasa Jiwa Bangsa.
Leave a Reply